Իրավապաշտպան Ռուբեն Մելիքյանը լրագրողներին հարցին՝ զոհված զինծառայողի մայր Գայանե Հակոբյանին կալանքի ուղարկած դատավոր Ժորա Չիչոյանի նկատմամբ, ըստ իրեն, ճնշում գործադրվե՞լ է, պատասխանեց․
«Ինչքան էլ ուզում է ճնշում գործադրված լինի, թուղթը ստորագրողը մեկ մարդ է, մեկ ձեռք է, և թող որևէ մեկը չմտածի, որ երբևէ որևէ ճնշմամբ ինքը որևէ արդարացում է ունենալու։ Երբևէ։
Թուղթը ստորագրողը ո՛չ դատախազն է, ո՛չ քննիչն է։ Թուղթը ստորագրողը մեկ մարդ է․ եթե չես կարող դատավոր աշխատել, գնա, ուրիշ բան աշխատիր։ Եթե չես կարող ճնշումներին դիմագրավել, գնա, ուրիշ բան աշխատիր»,- շեշտեց իրավապաշտպանը։
Ռուբեն Մելիքյանի խոսքով՝ այս դեպքում դատավորի հրաշալի գիտելիքներ ունենալը զրո արժեք ունեն։
