Ադրբեջանի նախագահի՝ Եվրոնյուզին տված հարցազրույցում արած հայտարարությունից հետո, թե Լաչինի միջանցքն արգելափակված չէ, անհրաժեշտ է լսել Լեռնային Ղարաբաղում Ռուսաստանի Դաշնության խաղաղապահ զորախմբի պարզաբանումը՝ ինչու նրանք չեն ապահովում ՀՀ կառավարության ուղարկած հումանիտար օգնության մուտքը Ղարաբաղ, եթե Ադրբեջանը պնդում է, թե չի արգելափակել Լաչինի միջանցքը: Կառավարության նիստում հայտարարեց Նիկոլ Փաշինյանը:
Փաշինյանը հարցի պարզաբանումը կարևոր է համարեց՝ հավելելով, որ ՀՀ համապատասխան մարմինները պետք է աշխատեն այդ պարզաբանումները ստանալու ուղղությամբ: