«Ամենամեծ սուտը իմ մասին՝ Ջրաշխարհը իմն է». բլից հարցեր Գրիշա Աղախանյանին

Tert.am Life-ի բլից հարցերին այս անգամ պատասխանել է երգիչ, դերասան, հաղորդավար Գրիշա Աղախանյանը:

-Ինչո՞վ է օգնում Ձեզ հայտնի լինելը:

-Ինձ հաճելի է, այդքան բան:

— Ինչպե՞ս եք վերաբերվում վատ մեկնաբանություններին:

-Սկզբից դժվար, հիմա թեթև եմ տանում:

-Տաքսու մեջ հնչող վատ երաժշտությունը ստիպված լսո՞ւմ եք, թե՞ խնդրում եք անջատել:

-Տաքսուց վաղուց չեմ օգտվում, բայց եթե նման իրավիճակ լինի կխնդրեմ անջատել:

— Ամեն օր պլանավորո՞ւմ եք հաջորդ օրը:

-Պարտադիր:

-Կենցաղում ինչն՞ է ձեզ նյարդայնացնում:

-Ես համակերպվող եմ, ինչ-որ բան չկա, որ ծանր եմ տանում:

-Ամենամեծ սուտը Ձեր մասին, որ լսել եք, ո՞րն է եղել:

-Որ Ջրաշխարհը իմն է:

— Ի՞նչ եք անում տխուր ժամանակ:

— Մենակ եմ սիրում մնալ:

-Ի՞նչ տիպի մարդկանց հետ չեք շփվի ընդհանրապես:

-Անհամ, անդուր, զզվելի, որոնք, ցավոք, շատ են:

-Մանկության երազանքը ո՞րն է եղել:

-Բոլոր սովետական երեխաների նման երազել եմ տիեզերագնաց դառնալ:

-Հանգիստ ընտանիքի՞, թե՞ ընկերների հետ:

-Ընտանիքի:

-Ավելի շատ նեղացնո՞ւմ եք, թե՞ նեղանում:

-Նեղանում: Նրբանկատ եմ, շատ փոքր բանից կարող եմ նյարդայնանալ:

-Երևանում Ձեր ամենասիրելի հատվածը:

— Կինո «Նաիրի», որտեղ իմ տունն է: Կասկադ:

Կարող եք կիսվել սոց․ ցանցերում