Մեր հերոսներին պիտի ամեն օր շնորհակալ լինենք, որ հենց նրանց նվիրվածության ու անձնազոհության շնորհիվ այսօր մենք ապրում ենք:
Արցախ Սպարտակի Հովհաննիսյան․ հերոսը ծնվել է 1994 թվականին Արարատի մարզի Սայաթ-նովա գյուղում: Զինվորական ժամկետային ծառայությունն անցկացրել է Վայքի զորամասում: Վերադարձավ ծառայությունից ու թվում էր, արդեն պիտի դասավորի կյանքը, բայց սկսվում է չարաբաստիկ 44-օրյան:
Արցախը դեռ նոր էր ամուսնացել, երբ արյան կանչով կամավարոագրվում է և մեկնում առաջնագիծ, որ տղերքի կողքի լինի: Արցախը միանում է Ջրականի թեժ մարտերին, իսկ կարճ ժամանակ անց որդու հետևից առաջնագիծ է մեկնում նաև Արցախի հայրը:
Արցախն իր առաջնակին էր սպասում, բայց ճակատագիրը նրա համար այլ բան էր պլանավորել: Հերոսը թեժ մարտեր է վարում մինչև հոկտեմբերի 23-ը ու հավերժ միանում անմահների գնդին:
