Նոյեմբերի 20-ին, 03:57-ին, Երևան քաղաքի Գուրգեն Մահարու փողոցում գտնվող խմորեղենի արտադրամասում հրդեհ է բռնկվել, որի մասին ՆԳՆ 112 օպերատիվ կառավարման կենտրոն հաղորդել է 03:57-ին։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Հոգեբանական աջակցության ու բժշկական ապահովման վարչության հերթապահ խմբերը։
Հրշեջ-փրկարարներին հաջողվել է կանխել կրակի տարածումը արտադրամասի մյուս հատվածների վրա։ Հրդեհը մեկուսացվել է 04:53-ին, իսկ 05:49-ին ամբողջությամբ մարվել է։
Աղբյուր՝ Mediahub.am
Լուսանկար՝ Mediahub.am։ Աղբյուրի նյութը
