ԱՄՆ նախագահի փեսա և հատուկ բանագնաց Ջարեդ Քուշները վերջին ամիսներին տեղի ունեցած մասնավոր զրույցների ընթացքում քննարկել է Ուկրաինային ՆԱՏՕ-ի անդամակցություն տրամադրելու գաղափարը՝ դրա դիմաց տարածքներ զիջելու պայմանով։
Ամերիկյան կողմը ներկայացրել է երկու հնարավոր սցենար. Առաջինը ենթադրում է, որ Ուկրաինան զիջում է Դոնբասի տարածաշրջանը՝ դրա դիմաց ստանալով ՆԱՏՕ-ի անդամակցություն, երկրորդ տարբերակը նախատեսում է հակամարտության սառեցում ներկայիս ռազմաճակատի գծի երկայնքով՝ Կիևին անվտանգության երաշխիքներ տրամադրելու պայմանով։
Այս գաղափարը քննարկվել է Դուբլինի օդանավակայանում, Արաբական Միացյալ Էմիրություններում և, ըստ աղբյուրների, օգոստոսին տեղի ունեցած հեռախոսազրույցի ժամանակ։
Աղբյուր՝ Mediahub.am
Լուսանկար՝ Mediahub.am։ Աղբյուրի նյութը
